Kuri uyu wa mbere tariki 20/04/2026, Umuyobozi Mukuru (CEO) wa GAVI (Umuryango mpuzamahanga ushinzwe iby’inkingo) ku rwego rw’isi, Dr Shania Nisthar yasuye Ikigo Nderabuzima cya Mwulire, mu karere ka Rwamagana.

Aherekejwe n'Umuyobozi Mukuru  wungirije (DDG) wa RBC Ms Jeanne UMUHIRE, n'itsinda ry'abakozi bavuye muri Unicef, WHO, GAVI na RBC. Akigera kuri iki kigo nderabuzima, yakiriwe na Vice Mayor ushinzwe ubukungu mu karere ka Rwamagama.

Bwana Kagabo Rwamunono Richard wari kumwe na DG w'Ibitaro bya Rwamagana, Dr Placide NSHIZIRUNGU n'Umuyobozi w'ikigo nderabuzima cya Mwulire Mrs Mediatrice INGABIRE.

Uyu Mushyitsi n'itsinda ryari rimuherekeje basuye services zitandukanye zitangirwa muri iki kigo nderabuzima, by'umwihariko izijyanye no gukingira, aganira n'ababyeyi bari baje gukingiza abana ndetse n'abajyanama b'Ubuzima bari bahari. 

Yishimiye kandi anyurwa n'ibisobanuro yahawe ku mikorere y'iki kigo nderabuzima ndetse n'iy'abajyanama b'ubuzima. 

Nyuma yo gusura iki kigonderabuzima cya Mwulire, uyu mushyitsi n'itsinda yari ayoboye basuye uruganda rukora inshinge zikoreshwa mu bikorwa byo gukingira, ruherereye mu cyanya cy'inganda cya Rwamagana.